ESTRESA

Helduen erdiek baino gehiagok estresa jasaten edo jasan dute noizbait. Estresa fenomeno fisiologikoa da, organismoak ematen duen erantzun bat. Hainbat osasun arazo ari da sortzen gure gizartean, horregatik gaixotasuna kontsideratzen da. Askok gara gaixotasun hau sufritzen dugunok.

Faktore asko dira estresa eragiten dutenak: lana, ikasketak, osasun arazoak, bikote-harremanak… Edonork gustura ez dagoenean, presaka ibiltzean edo arazo larriekin egotean estresa daiteke. Baliteke hau ez gertatzea baina ez da ohikoena. Dena den, estresa kontrolatzen denean bizimodua atseginagoa izan daiteke. Horregatik, gaixotasun honi aurre egiteko hainbat tresna proposatzen dituzte gure medikuek. Proposatzen duten lehenengo metodoa botiken erabilpena da. Nik ez nago botika hartzearen alde. Botika erabili barik sendatzeko posibilitatea egonda ez dut beharrezkoa ikusten. Nahiago dut metodo naturalak erabiltzea. Baina argi dago metodorik azkarrena dela. Bigarren metodoa erlaxatzea da. Baina, estresatuta bazaude, nola erlaxatuko zara? Teoria oso erraza dirudi, baina ez da hain erraza, horregatik medikuenera jo beharko dugu metodo hau betetzeko. Proposatzen duten hirugarren metodoa masajearena da. Masajea bai, baina zein masaje? Imagina ezazu klinika batetara zoazela eta hango tipoa gela batetan sartzen zaituela. Hasiera batean eta ezagutu barik ere, biluztea agintzen dizu. Eta han zaude, gela hotz batean, erdi biluzik eta tipo ezezagun batekin. Hasten zara gogoratzen medikuak agindutakoa betetzen hari zarela eta lasai gelditzen zara, zure onerako izango dela uste duzulako. Bat-batean tipoa zure gorputzako kontraktura guztiak aurkitzen ditu. Banan-banan eta indarra aurreztu barik haiekin akabatzen du modu mingarri batean. Hau desestresantea da? Laugarren eta bosgarren metodoak hidroterapia eta musika-terapia dira, hau da, ura eta musika erabiliz egindako terapiak. Metodo hauek berrienetarikoak dira. Zentro espezializatuetan aurki ditzakegu. Nahiko garestiak dira, baina oso onuragarriak direnez pena merezi du diru hori gastatzea.

Gure adituek (gehien estresatzen diren gizakiek), hainbat prebentzio aholkuak proposatzen dituzte: behar adina lo egin, ariketa fisikoa egin, elikadura zaindu, denbora ongi antolatu, monotonia eutsi… Esaten dutenez, hau guztia betetzekotan, estresa ez da agertuko. Oso erraza dirudi arren, gutxik dira estresa menperatzen dutenak. Horregatik soluziorik onena, estresaren alde positiboak ikustea da.